Гаджеттердің балаға тигізетін зияны мен пайдасы
(мәтін 217 сөзден тұрады)
Гаджеттің ата-ананың балаға көңіл бөлуге уақыты жоқ кезде
құтқаратын көмекшісіне айналғаны ешкімге құпия емес. 4-5 жастағы балалар гаджеттің
қыр-сырын ата-анасынан да жақсы меңгеріп алған. Өкініштісі, кейбір ата-аналар гаджеттің балаға зиянды жақтарына назар аудара бермейді.
Гаджеттердің балаларға тигізетін зиянын айтатын болсақ:
- балалар мен жасөспірімдердің жалғыздықты көбірек сезініп, өздеріне деген сенімдері азайып, тұйық мінезді болып өсуі;
- артық салмақ, көздің дұрыс көрмеуі, остеохондроз, т.б. ауру түрлерінің пайда болуы;
- лентаны қарап отырған бала басқалардың «жақсырақ» өмірін көріп, өз өміріне риза болмау, өзін "кем санау" сияқты психологиялық проблемалардың туындауы;
- кибербуллинг, онлайн-алаяқтық, «Суицид топтары».
Гаджетке тәуелділік мәселесінен жеңу үшін ата-ана
дер кезінде шара қолдану арқылы құтыла алады. Ол үшін бала миындағы дофаминнің әсерін төмендету қажет. Қызыққа батып отырған баланы
гаджеттен ажырату мақсатында баланың жанына отырып, ойын қалай болып жатыр, қандай кейіпкер, ол не істей алады деген сұрақтарды қойып,
көңілін бөлу керек.
Баланы виртуалды әлемнен ақырын, сабырмен шығарғандықтан, дофамин деңгейі төмендей бастайды. Баламен сөйлесе бастаған кезде тамақ ішу, жуыну немесе сабақтарын қарау керектігін ақырын есіне салу қажет. Осы өмірге «қайтып келудің» «жұмсақ» әдісі қолданылғандықтан сіздің өтінішіңізге
құлақ салып, көңіл бөлгеніңізге қуанып, гаджетті
өз еркімен өшіретін болады. Баладан гаджетті алып қою, қолдануына
мүлдем тыйым салу арқылы гаджеттен қорғаймын деп ойласаңыз қателесесіз.
Жақсы ата-ана болудың басты құпиясы: бүкіл назарыңызды балаға аударып, гаджетсіз, күніне ең азы 5-10 минут уақыт бөлу! Яғни, баламен бірге сапалы уақыт өткізу.