Үй жинаудан уақыт үнемдеу: клинингті ел қалай пайдаланып жүр?

мәтін 265 сөзден тұрады

Үйді арнайы мамандарға тазалатып, демалысын өзіне, отбасына арнайтын адамдарды қазіргі уақытта жиі кездестіруге болады. Қазір осындай қызмет ұсынатын клининг компанияларға сұраныс көбейіп жатыр. Сондай жандардың бірі — Жадыра Аққайыр көпқабатты үйде тұрады. Айына бір рет үйге клинер шақырып, тазалатады екен. Осы уақытқа дейін ол жеке клинерлердің де, арнайы компания қызметкерлерінің де қызметін пайдаланып көрген.

Жеке клинерді шақырудың бір кемшілігі бар: жұмыс сапасы ұнамаған жағдайда шағымдану қиындау. Әрі кетсе, тазалықшының өзіне ескерту айтасың. Бірақ клинер бәрібір сөзіңді дұрыс қабылдамауы мүмкін. Мысалы, маған кезіккендердің ішінде жеке өміріме араласқысы келетіні көп болды. «Жас кезімізде үйімізді өзіміз тазалайтынбыз», «Қанша бала тапсақ та, біреуге жинату ойымызға келмепті», «ар санайтынбыз» деген сияқты сөздерді айтып қалады. Болмаса, ақыры үйде жүргеніңе қарап, өзіңді жұмсап қалуға тырысады. Меніңше, бұл — артық әрі ұнамсыз қылық. Өйткені өзім оны мұғалім не дәрігер сынды маман деп қабылдаймын, жеке өміріне қызықпаймын. Көңілімнен шығатындай қызмет көрсеткені ғана маңызды, — дейді ол.

Жадыра осындай оқиғалардан кейін кәсіби компанияларды шақыртатын болған. Менеджермен байланысқан кезде клинер істейтін жұмысты нақтылап, бағасын бекітіп алады екен. Ал қызмет сапасына көңіл толмаса, ескерту айтып, шағымдануға болады.

Бірде шақырған клинерлерім кілемнің астын тазаламай, жуынатын бөлмені жөнді қарамай, жүрдім-бардым істеп шығыпты. Фотоға түсіріп, айғақ түрінде көрсетіп, шағымымды білдірдім. Компания келесі тазалық жұмысына жеңілдік сыйлады әрі тиянақты мамандарын жіберді. Клинер шақыруды жалқаулық не салақтық деп емес, қажеттілік деп есептеймін. Себебі үйді толық тазалауға кемінде 4-5 сағат кетеді. Әсіресе, дәстүрлі қазақ қоғамында бұл шаруа демалыс күніне жоспарланады. Біз болсақ, бір күнді отбасылық серуенге немесе көптен жоспарлаған істерге арнаймыз. Сондықтан кейде клининг шақырып, өзіме демалыс жариялап тұрамын. Қалыптасқан стереотип бойынша әйелді кір жуатын, тамақ істеп, үй жинайтын адам деп көргенді құп көрмеймін, — дейді Жадыра Аққайыр.

Қажетті сөздер: шағымдану, айғақ түрінде, көңілімнен шығатындай, ұнамсыз қылық, сұраныс, жүрдім-бардым,

1. Қазіргі таңда уақыт талабына сай, үйді арнайы мамандарға тазалататын клинингтік қызметке _____ көбейіп жатыр.
   
   
2. Жеке клинерді шақырудың бір кемшілігі бар: жұмыс сапасы ұнамаған жағдайда _____ қиындау.
   
   
3. Менің жеке өміріме араласып, қажетсіз сұрақтарды қоюды _____ деп санаймын.
   
   
4. Үй жинайтын мамандардан бір-ақ нәрсені талап етемін – менің ______ қызмет көрсету ғана.
   
   
5. Бірде шақырған клинерлерім кілемнің астын тазаламай, жуынатын бөлмені жөнді қарамай, ______ істеп шығыпты.
   
   
6. Тазалықшының жасаған жұмысын фотоға түсіріп, ______ көрсетіп, шағымымды білдірдім.
   
   

1 Кез келген орынның жайлы, әрі таза болғанын ______ рас.

А. жақсы көретініміз
В. ұнататынымыз
С. ұнатпайтынымыз


2 Шашылған жерді жинау, ______, артық заттан арылту секілділерге көп уақытымыз кетеді.

A. киімдерді жинау
B. шаң тозаңды сүрту
C. шамдарды сүрту


3 Екі-үш бөлмелі үйлерге ______ уақыт кетеді.

А. 5 сағат
В. 9 сағат
С. 8 сағат


4 Клинер маманнан ең бастысы ұқыптылық, тазадық және ______ талап етіледі.

А. жүйріктік
В. жылдамдық
С. пысықтық


5 Көп тұрғындар ______ клининг компанияға хабарласады.

А. өз күшін үнемдеу үшін
В. қолы тимегені үшін
С. өз уақытын үнемдеу үшін


6 Қызметтің құны нысанның ______ тікелей байланысты.

А. шаршы метріне
В. ауданына
С. көлеміне


7 60 шаршы метрге ______ ақы төлейсіз.

А он екі мың
В. отыз екі мың
С. жиырма бес мың