Пластикалық ота нарығы
(мәтін 221 сөзден тұрады)
Қазақстанда 20 жыл бұрын эстетикалық медицина нарығы мүлдем жоқ еді, қазір сұлулық индустриясы күн санап дамып келеді. Мәселен, 2015 жылдың аяғында ел бойынша 50-ден аса пластикалық хирург болса, қазіргі кезде арнайы сертификатқа ие хирургтардың саны 800-ге жетіп қалыпты.
Бүгінде Қазақстанда тиімді бағада сапалы ота жасатуға болады. Айталық, блефаропластика жасату Корей Республикасымен салыстырғанда, әлдеқайда арзан. Бұл ота үшін ол жақта 3 мың доллар сұраса, Қазақстанда 700 долларға жасатуға болады. Ең танымал оталардың бірі – маммопластика туралы айтар болсақ, қандай имплантанттар қолданылғаны мен отаның күрделілігіне байланысты, баға 2-3 мың доллар аралығында. Германияда бұндай ота 5-6 мың доллар тұрса, ал Кореяда 10 мың доллардан басталады.
Қазақстандықтардың арасында ең танымал пластикалық оталар қатарына:
– блефаропластика (қабақты хирургиялық жолмен өзгерту, оған көз пішінін өзгерту, жасқа байланысты өзгерістер мен қабақтың кем-кетігін жою кіреді);
– маммопластика (омырау пішінін өзгерту);
– фейслифтинг (бет терісін тарту);
– ринопластика (мұрын пішінін өзгерту мен түрлі кемістігін қалпына келтіру) жатады.
Ота үшін жауапкершілік кімге жүктеледі деген сауалға дәрігерлер «екі тарапқа да» деп жауап береді.
«Әр отаның алдында науқас арнайы келісімшартқа қол қояды. Егер ота нәтижесі науқастың көңілінен шықпаса, біз кеткен олқылықты жөндейміз. Әркімнің ағзасы әртүрлі, сондықтан бар жауапкершілікті өз мойнымызға ала алмаймыз. Науқастар арасында айтқаныңды бұлжытпай орындайтындар бар болғанымен, араларында режим сақтамайтындары да бар. Олар үшін неге біз жауап беруіміз керек?-дейді мамандар.
Емханаға жас қыздар келіп, пластикалық отаны бірінен соң бірі жасатуы – олардың эстетикалық сұлулыққа аса қатты мән беретінін білдіреді. ХХ ғасырдың белгілі модельері Габриэль Бонер Шанель «өз-өзіңді күту жүректен басталуы керек, олай болмаған жағдайда ешқандай да косметика көмектеспейді» деген екен.
Жалпы алғанда, пластикалық отаның қауіпті болуына қарамастан, нарық та, тұтынушылары да жыл сайын өсіп келеді.